चिनियाँ परराष्ट्र मन्त्रालयका प्रवक्ता श्रीमती च्यांग युले ह्याकर लगायत इन्टरनेटमा भएको जुनसुकै किसिमको आपराधिक गतिबिधिको विरोध चीन सरकारले गरेको र त्यस्ता कार्यलाई निषेध गरेको छ भन्दै अन्तर्राष्ट्रिय समाजसँगै मिलेर आपसी सहयोगलाई सबल पारी इन्टरनेटमा हुने आपराधिक गतिविधिमाथि संयुक्तरुपमा प्रहार गर्न चीन इच्छुक रहेको कुरा वताउनुभयो।

          आज आयोजित परराष्ट्र मन्त्रालयको नियमित पत्रकार सम्मेलनमा चिनियाँ वेभ-साइट विदेशी ह्याकरद्वारा गरिने आक्रमणमा परेको छ कि छैन भन्ने पत्रकारद्वारा सोधिएको प्रश्नको जवाफ दिंदै श्रीमती च्यांग युले उक्त कुरा वताउनुभएको हो।

          ह्याकरको आक्रमण अन्तर्राष्ट्रिय समस्या हो र चिनियाँ वेभ-साइट पनि कहिलेकाहीं ह्याकरको आक्रमणमा पर्नेगरेको कुरा उहाँले प्रष्ट पार्नुभयो।