चीनको परराष्ट्र मन्त्रालयका प्रवक्ता च्यांग युले इरानको आणविक समस्याको समाधान गर्ने सबैभन्दा राम्रो छनौट शान्तिपूर्ण कूटनैतिक सम्झौता हो भन्दै यो अन्तर्राष्ट्रिय समाजको साझा हितका लागि पनि अनुकूल रहेको कुरा बताउनुभएको छ।

             उहाँले आज आयोजित पत्रकार सम्मेनमा उक्त कुरा बताउनुभएको हो। यसका साथै उहाँले अन्तर्राष्ट्रिय मामिलामा सधैं नै सशस्त्र शक्तिको धम्की दिने कुरमा चीनले अस्वीकार गर्ने कुरा बताउँदै विभिन्न मुलुक बीच एकले अर्काको कदर गरी वार्तामार्फत पारस्परिक विश्वासको प्रवर्द्धन गर्नुका साथै मतभेदलाई कम पार्ने चीनको अटल अडान रहेको कुरा औंल्याउनुभएको छ।