चीनको परराष्ट्र मन्त्रालयका प्रवक्ता च्यांग युले आज बोल्दै यही महिनाको उन्नाइस तारीखदेखि उन्नतीस तारीखसम्म चिनियां परराष्ट्र मन्त्री यांग चे छ्‌ले बयसठीऔं राष्ट्र संघीय महासभामा सहभागी हुनका साथै चीन र अफ्रिकी मुलुकका परराष्ट्र मन्त्रीहरु बीचको राजनैतिक वार्तामा सहभागी हुनुहुनेछ। त्यसका साथै उहाँले अमेरिकाको पनि भ्रमण गर्नुहुने छ भन्ने कुरा बताउनुभयो।

           च्यांग युका अनुसार परराष्ट्र मन्त्री यांग चे छ्‌ले राष्ट्र संघीय महासभाको साधारण सभालाई सम्बोधन गर्नुहुने र मौसममा परिवर्तन हुने राष्ट्र संघीय उच्च स्तरीय सम्मेलनमा र अफ्रिकी समस्याबारे सुरक्षा परिषद्‌को शिखर सम्मेलन जस्ता बहुपक्षीय सम्मेलनमा पनि सहभागी हुने कार्यक्रम छ । यसका अतिरिक्त यांग चे छ्‌ले राष्ट्र संघीय महासचिव बान् कि मुन् , बयसठीऔं राष्ट्र संघीय महासभाका अध्यक्ष केरिम तथा केही मुलुकका नेता र परराष्ट्र मन्त्रीसंग भेटघाट गर्नुहुनेछ।

           अमेरिका-भ्रमणको अवसरमा परराष्ट्र मन्त्री यांग चे छ्‌ले अमेरिकी सरकारका र नेतासित चीन र अमेरिका बीचको सम्बन्ध र साझा चासो रहेका महत्वपूर्ण अन्तर्राष्ट्रिय र क्षेत्रीय विषयबारे पनि विचार विमर्श गर्नुहेनछ ।