चिनियाँ जन राजनीतिक परामर्शदातृ सम्मेलनको राष्ट्रिय कमिटिका उपाध्यक्ष वा चोङ युले प्रधानमन्त्री गिरिजाप्रसाद कोइरालासँग भेट गर्नुभएको छ । चिनियाँ जन राजनीतिक परामर्शदातृ सम्मेलनको राष्ट्रिय कमिटिका उपाध्यक्ष वा चोङ युले प्रधानमन्त्री गिरिजाप्रसाद कोइरालासँग भेट गर्नुभएको छ।चिनियाँ जन राजनीतिक परामर्शदातृ सम्मेलनको राष्ट्रिय कमिटिका उपाध्यक्ष वा चोङ युले प्रधानमन्त्री गिरिजाप्रसाद कोइरालासँग भेट गर्नुभएको छ । आज बिहान प्रधानमन्त्री निवास बालुवाटारमा भएको भेटघाटमा प्रधानमन्त्री कोइराला तथा उपाध्यक्ष चोङ युबीच झण्डै एकघण्टा कुराकानी भएको छ।

      प्रधानमन्त्री गिरिजाप्रसाद कोइरालाका परराष्ट सल्लाहकार डा. सुरेश चालिसेले सि.आर.आई.लाई बताउनु भए अनुसार दुबै नेताबीचमा आपसी सहयोगका बारेमा छलफल भएको छ । चीनले नेपाललाई दिँदै आएको सहयोगमा विस्तार गर्ने तथा स्थायी शान्तिका लागि चीन हर्दम तयार रहेको चिनियाँ जनराजनीतिक परामर्शदातृ सम्मेलनको राष्ट्रिय समितिका उपाध्यक्ष वा चोङ युलाई उद्धृत गर्दै डा. चालिसेले बताउनुभयो । नेपालमा संविधानसभाको निर्वाचन सम्पन्न होस्‍ भन्ने चिनियाँ धारणा रहेको उल्लेख गर्दै नेता चोङ युले नेपाललाई चीनको नजिकको साथी भनेर प्रशंसा गर्नुभएको उहाँले बताउनुभयो।

      नेपालले सधैँ एक चीनको नीतिलाई समर्थन गरेको दोहोर्‍याउँदै प्रधानमन्त्री कोइरालाले नेपाललाई पुर्‍याउँदै आएको सहयोग प्रति चीन सरकार र चिनियाँ जनतालाई धन्यवाद दिनुभयो। प्रधानमन्त्री कोइरालाले नेपालको विकासक्रममा चिनियाँ सहयोग उल्लेख्य रहेको बताउँदै आगामी दिनमा सहयोग बढाउन आग्रह पनि गर्नुभयो।

      आजै बिहान उपाध्यक्ष चोङ युले व्यवस्थापिका संसदका सभामुख सुवास नेम्बारुँग पनि भेटवार्ता गर्नुभएको छ । सभामुख नेम्बाङ्गले सि.आर.आई.सँग कुरा गर्दै नेपालको व्यवस्थापिका संसद र चीनको जनराजनीतिक परामर्शदातृ सम्मेलनको राष्ट्रिय समितिबीचमा घनिष्ट सम्बन्ध रहेको उल्लेख गर्नुभयो। उहाँले विगतमा पनि व्यवस्थापिका संसदले चीनबाट सहयोग प्राप्त गरिरहेको तथा यो निरन्तर रहने कुरा व्यक्त गर्दै उपाध्यक्ष चोङ युको भ्रमण अत्यन्त महत्वपूर्ण र उपयोगी भनेर टिप्पणी गर्नुभयो ।

      नेपालको व्यवस्थापिका संसदको निमन्त्रणामा चिनियाँ जनराजनीतिक परामर्शदातृ सम्मेलको राष्ट्रिय समितिका उपाध्यक्ष चोङ युले नेतृत्व गर्नुभएको उच्चस्तरीय प्रतिनिधिमण्डल हिजो सेप्टेम्बर 24 तारिखमा भारतको नयाँ दिल्लीबाट काठमाडौँ आएको हो। प्रतिनिधिमण्डल भोलि 26 तारिखमा चीन फर्कनेछ।

      चेतनाथ आचार्य

      सि.आर.आई.

      काठमाडौँ