चीनको परराष्ट्र मन्त्रालयका प्रवक्ता लीउ च्यान छाउले आज पैचिङ्गमा बोल्दै "छाङ्ग अ एक नम्बर" उपग्रहको सफल प्रक्षेपण अन्तर्राष्ट्रिय क्षेत्रमा संयुक्त रुपमा अन्तरिक्षको सर्भेक्षण गर्ने क्षेत्रको अर्को महत्वपूर्ण उपलब्धि हो भन्ने कुरा व्यक्त गर्नुभएको छ।

         आज पैचिङ्गमा आयोजित पत्रकार सम्मेलनमा पत्रकारद्बारा सोधिएको उक्त उपग्रह सम्बन्धि प्रश्नको जवाफ दिँदै श्री लीउले अन्तरिक्ष मानवजातिको साझा सम्पत्ति हो र त्यसको प्रयोग पूर्ण रुपमा शान्ति उद्देश्यका लागि उपयोग गरिनुपर्ने विचार व्यक्त गर्नुभयो। यसका साथै उहाँले अन्तर्राष्ट्रिय समाजको संयुक्त सहयोग तथा प्रयासमा अन्तरिक्षबारेमा मानवजातिले पाएको जानकारी अझ स्पष्ट हुने र मानवजातिले अन्तरिक्षको अझ राम्रोसँग शान्तिपूर्वक उपयोग गरी मानवजातिको हित-कल्याण्डका लागि बढी योगदान गर्नसक्ने विश्वास पनि व्यक्त गर्नुभयो।