श्रीमती युलीका अनुसार भोलि प्रदर्शनीको उद्घाटन नेपालका लागि चिनियाँ राजदुत चङ्ग सियाङ्गलिनले गर्नुहुनेछ । संस्कृति विभागका प्रमुख युलीले बताए अनुसार प्रदर्शनीमा राखिने फोटाहरुले चिनियाँ संस्कृति, रहनसहन, भइरहेको विज्ञान तथा प्रविधिको विकास तथा जीवनपद्धतीलाई उजागर गरेकाछन् । प्रदर्शनीलाई पश्चिमाञ्चल क्षेत्रका दस हजारभन्दा बढी दर्शकले अवलोकन गर्न सक्ने अनुमान गरिएको प्रथम सचिव तथा संस्कृति विभाग प्रमुख युलीले बताउनुभयो । आगामी वर्ष चीनमा ओलम्पिक खेलकुद आयोजना हुँदैछ । अहिले संसारभरिकै दृष्टिकोण चीनतिर केन्दि्रत भइरहेका बेला नेपालमा पनि चीनमा आयोजना हुने ओलम्पिक खेलकुदका बारेमा गतिविधि हुन थालेको छ । यसै सन्दर्भमा भैरहवामा हुने फोटो प्रदर्शनीले चीनमा हुने ओलम्पिक खेलकुदका बारेमा नेपाली दर्शकहरुमा नयाँ सन्देश हुनेछ । रुपन्देहीको भैरहवा लुम्बिनीबाट नजिकैमा पर्ने सहर हो । यस सहरमा आयोजना हुने 'नयाँ वेइजिङ्ग नयाँ ओलम्पिक' फोटो प्रर्दशनीले चीन र नेपालबीचको मैत्री सम्बन्धमा पनि महत्वपुर्ण भुमिका खेल्नेछ । लुम्बिनी गुरु योजनाको विकासमा चिनियाँ सहयोगले ठुलो योगदान दिएको छ भने लुम्बिनीमा रहेको चिनियाँ बौद्ध मन्दिरलाई नेपालीहरुले ठुलो आदरका साथ हेर्न गर्दछन् । चेतनाथ आचार्यसि.आर.आई.काठमाडौँ