आगामी वर्ष 2008 को सुरुसँगै काठमाडौँ ल्हासा वससेवा पुन: सञ्चालन हुने भएको छ । काठमाडौँ ल्हासा बस सेवालाई फेरि निरन्तरता दिनका लागि नेपालको यातायात व्यवस्था विभाग र चीनको स्वायत्त प्रदेश तिब्बतको यातायात विभागबीचमा गत विहिबार सम्झौता भइसकेको छ ।

              काठमाडौँ ल्हासा बस सेवा सन् 2005 को मे महिनामा सुरु भई 6 महिनापछि बन्द भएको थियो । तत्कालीन अवस्थामा नेपालमा राजनीतिक अस्थिरता कारणले बसलाई स्थगित गर्नु परेको थियो । अहिले आएर नेपालमा सुधार आएकाले बस सेवा सञ्चालन हुन लागेको हो । गत विहीबार दुई देशबीचमा बस सेवालाई पुन: सञ्चालनमा ल्याउनका लागि यातायात व्यवस्था विभागका महानिर्देशक खगेन्द्रमणि पोखरेलले नेपालको तफबाट र चीनको स्वायत्त प्रदेश तिब्बतको यातायात विभागका महानिर्देशक सान सिपिले चीनको तफबाट हस्ताक्षर गरेपछि अब नयाँवर्षको प्रारम्भसँगै बस सेवा सञ्चालन हुने भएको हो ।

              सम्झौता अनुसार सन् 2008 को जनवरी 1 तारिख मंगलबार दुवैतफबाट बस छुट्नेछन् । त्यसपछि प्रत्येक शुक्रबार एकएकवटा बस दुवैतफबाट छुट्नेछन् । काठमाडौँदेखि ल्हासासम्मको एकातफ यात्रा अवधि तीन दिनको रहेको छ । हाललाई दुई दुई वटा बसलाई रुट इजाजत दिइएको छ । आवश्यकतासँगै दुई पक्षको सहमतिमा बसको संख्या थप गर्न सकिने कुरा पनि सम्झौतामा उल्लेख छ । हाललाई एकातर्फी भाडा सत्तरी अमेरिकी डलर तोकिएको छ ।

              खासादेखि नेलामसम्मको बाटो साँघुरो र कच्ची भएको हुनाले चिनियाँ सरकारले सो बाटो फराकिलो बनाउने काम गत अक्टोबर महिनामा सम्पन्न गरिसकेको छ । सो खण्डको बाटोको सुधारपछि अब यात्रा सजिलो र सहज भएको छ ।

               काठमाडौँ ल्हासा बस सेवा सञ्चालन भएपछि नेपाल घुम्ने चिनियाँ पर्यटकको संख्या बढ्ने निश्चित छ भने दुई पक्षीय व्यापारमा पनि विस्तार हुनेछ ।

चेतनाथ आचार्य

सि.आर.आई.

काठमाडौँ