आज विहान आढेआठ बजे प्रधानमन्त्री निवास वालुवाटारमा दुबै नेताबीचमा भेटघाट भएको थियो । भेटघाट लगभग पैँतालीस मिनेट चलेको नेपालस्थित चिनियाँ दूताबासले सि.आर.आई.लाई बताको छ । चिनियाँ नेता वाङ्ग चियारुइसँगको भेटमा प्रधानमन्त्री गिरिजाप्रसाद कोइरालाले चीनले नेपालको विकासमा पुर्याउँदै आएको सहयोगको प्रशंसा गर्नुभयो । प्रधानमन्त्री कोइरालाले नेपालले एक चीनको नीतिलाई समर्थन गरेको दोहोर्याउँदै नेपालको भूमि चीन बिरोधी गतिविधिमा प्रयोग हुन नदिने पनि प्रतिवद्धता व्यक्त गर्नुभयो ।

         आजै बिहान चिनियाँ उच्च स्तरीय प्रतिनिधिमण्डलले शान्ति तथा पुननिर्माण मन्त्री रामचन्द्र पौडेलसँग पनि भेटवार्ता गरेको छ । भेटघाटका क्रममा मन्त्री पौडेल र चिनियाँ नेता वाङ्गबीचमा आपसी सहयोगका बारेमा सौहार्दपूर्ण वातारणमा कुराकानी भएको कुरा शान्ति तथा पुन निर्माण मन्त्रालयले सि.आर.आई.लाई बताएको छ ।

         नेपाल भ्रमणमा रहेको उच्च स्तरीय चिनियाँ प्रतिनिधिमण्डलको नेतृत्व गर्दै चिनियाँ कम्युनिष्ट पार्टी केन्द्रीय समितिको अन्तर्राष्टि्रय विभागका नेता मन्त्री वाङ्ग गत नोभेम्बर 30 तारिख काठमाडौँ आइपुग्नुभएको हो । पाँच दिने नेपाल भ्रमण सिध्याएर आज चिनियाँ प्रतिनिधिमण्डल चीन फर्किएको छ ।

        चेतनाथ आचार्य

        सि.आर.आई.

         काठमाडौँ