चीनको परराष्ट्र मन्त्रालयका प्रवक्ता छिंग कांगले आज पैचिंगमा आयोजित नियमित पत्रकार सम्मेलनमा बोल्दै चीन र जापान बीचको उच्च तहको आर्थिक वार्ता दुवै मुलुकको रणनैतिक र पारस्परिक हितको सम्बन्धको विकासबाट प्राप्त महत्वपूर्ण उपलव्धि हो भन्नु भएको छ।त्यस अवसरमा उहाँले चीनले दुवै पक्षले साझा प्रयास गरी उक्त उपलव्धीलाई मूल्यवान् पार्ने आशा लिएको कुरा बताउनुभयो।

                चीन र जापान बीचको पहिलो उच्च तहको आर्थिक वार्ता चालू महिनाको एक तारीखदेखि पैचिंगमा सुरु भएको छ । सो वार्तापछि दुवै पक्षले आ-आफ्नै तर्फबाट विज्ञप्ति प्रकाशित गरेका छन् । चीन र जापान तथा अन्तर्राष्ट्रिय समुदायले यस पल्टको वार्ताको सफल आयोजनालाई सकारात्मक मूल्यांकन गरेका छन् । तर जापानी सञ्चार माध्यमले केही दिनपछि चीनले चीन र जापान बीचको साझा दस्तावेजलाई खारेज वा संशोधन गरेको जानकारी दिएका छन् ।

                छिंग कांगका अनुसार उक्त विज्ञप्ति दुइ पक्षको साझा दस्तावेज होइन र संयुक्त विज्ञप्ति पनि होइन । त्यो खालि दुइ पक्षले आ-आफ्नै तर्फबाट प्रकाशित वार्तासित सम्बन्धित दस्तावेज हुन् । यो कुरा वार्ताभन्दा अघि स्पष्ट नै थियो । त्यसैले दस्तावेजको विषयमा केही फरकता रहनुपनि सामान्य कुरा हो ।