यही डिसेम्बर 19 तारिखमा काठमाडौँमा चीन तिब्बत सांस्कृतिक मञ्चको आयोजना हुने भएको छ । काठमाडौँस्थित चिनियाँ दूताबास र अरनिको समाजले आयोजना गर्ने सो मञ्चमा नेपाल र चीनबीचको सम्बन्धका बारेमा कार्यपत्रहरु प्रस्तुत हुनेछन् । चीन अध्ययन केन्द्रका अध्यक्षा मदन रेग्मी, बुद्धिजीवी ताम्लाउ क्याब, अरनिको समाजका अध्यक्षा डा. हरिश्चन्द्र शाह तथा राजनीतिकर्मी सुरेन्द्र पाण्डेले दुई देशबीचको सम्बन्धका बारेमा कार्यपत्र प्रस्तुत गर्नुहुनेछ ।

              अरनिको समाजका अध्यक्षा डा. हरिश्चन्द्र शाहले सि.आर.आर्इ.लार्इ बताउनुभए अनुसार याक एण्ड यति होटलमा आयोजना हुने सो मञ्चमा प्रमुख अतिथि परराष्ट मन्त्री सहाना प्रधान तथा विशेषा अतिथि नेपालका लागि चिनियाँ राजदूत च सियाङ्ग लन हुनुहुनेछ ।

                 सो मञ्चमा भाग लिनका लागि चीनको तिब्बतबाट सहायक मन्त्री स्तरका नेताको नेतृत्वमा २२ सदस्यीय प्रतिनिधिमण्डल डिसेम्बर 18 तारिखमा काठमाडौँ आइपुग्दैछ । चीन तिब्बत सांस्कृतिक मञ्च कार्यक्रमको मुख्य उद्देश्य नेपाल र तिब्बतबीचको साझा संस्कृति तथा रहनसहनका बारेमा उजागर रहेको अरनिको समाजका अध्यक्षा डा. शाहले बताउनुभयो ।

                 सो अवसरमा कार्यपत्रहरुलाई एउटा स्मारिका पनि प्रकाशन गरिने कुरा डा. शाहले बताउनुभयो । चिनियाँ दूताबाससँग मिलेर अरनिको समाजले डिसेम्बर 20 तारिख बिहान त्रिभुवन विश्वविद्यालय कीर्तिपुरको सेडा हलमा शैक्षीक तथा वौद्धिक कार्याशाला गोष्ठीको पनि आयोजना गर्ने भएको छ । त्यसैगरी सोही दिन अपरान्ह राष्ट्रिय सभागृहमा फोटो प्रदर्शनीको आयोजना हुने भएको छ ।

चेतनाथ आचार्य

सि.आर.आर्इ.

काठमाडौँ