|
चिनियाँ परराष्ट्र मन्त्रालयका प्रवक्ता छिन कांगले आज पैचिङमा आयोजित नियमित पत्रकार सम्मेलनमा बोल्दै चीनले इरानसँग चीनद्वारा उत्पादित दश नम्बरको विनाशक विमानबारे वार्ता नगरेको तथा यस कुराबारे सोच विचार पनि नगरेको कुरा दोहर्याउनुभयो।
हाल केही संचार माध्यमका अनुसार, चीनले इरानलाई दश नम्बरको विनाशक विमान विक्री गर्नेभएको छ। यसबारे पत्रकारद्वारा सोधिएको प्रश्नको जवाफ दिंदै प्रवक्ता छिन कांगले उक्त समाचार निराधार तथा अनुत्तरदायी भएको कुरा वताउनुभयो। उहाँका अनुसार, चीन सरकारले सैनिक मालसामानको निर्यातबारे उत्तरदायी तथा विवेकशील धारणा लिनुका साथै सैनिक ब्यापारसम्बन्धी नीति तथा नियम र संयुक्त राष्ट्र संघीय सुरक्षा परिषद्को सम्बन्धित निर्णयको पालना गरेको छ।
|
