|
चिनियाँ परराष्ट्र मन्त्रालयका प्रवक्ता छिंग काँगले बाली टापूमा आयोजित जलवायु परिवर्तनसम्बन्धी सम्मेलनमा पारित "बाली रोडम्याप"को चीनले स्वागत गरेको कुरा बताउनुभएको छ। उहाँले अठार तारिखका दिन पैचिंगमा आयोजित नियमित पत्रकार सम्मेलनमा बोल्दै उक्त कुरा बताउनुभएको हो।
सो रोडम्यापले अब आइन्दा जलवायु परिवर्तन विषयक सम्झौता वार्ताका लागि सही दिशा देखाएको छ र समय तालिकाको तर्जुमा गरेको छ भन्दै प्रवक्ता छिंगले बाली सम्मेलनमा प्राप्त सफलताका लागि चीन बधाई प्रकट गर्दछ भन्नुभयो।
चीनले सम्बन्धित वार्तामा सक्रियताका साथ सहभागी भएर रचनात्मक भूमिका निर्वाह गर्नेछ भन्दै प्रवक्ता छिंग कांगले सबै पक्षले सन् 2009 को अन्त्यअघि संयुक्त राष्ट्र संघीय जलवायु परिवर्तन प्रारुप सन्धिलाई व्यवहारमा उतार्ने कार्यलाई सशक्त तुल्याउन सर्वतोमुखी र प्रभावकारी व्यवस्था गर्नसक्ने अपेक्षा चीनले लिएको कुरा पनि बताउनुभयो।
|
