|
चिनियाँ परराष्ट्र मन्त्रालयका प्रवक्ता छिङ्ग काङ्गले आज पेइचिंगमा आयोजित नियमित पत्रकार सम्मेलनमा बोल्दै युन नान प्रान्तमा आयोजित चीन-भारत आतंककारी गतिविधि विरोधी संयुक्त तालिमबाट दुइ सेनाबीचको समझदारी तथा विश्वास बढ्ने कुरा बताउनुभयो।
चीन र भारत दुइ मुलुकका स्थल सेनाबीच हिजो चीनको दक्षिण-पश्चिमी भागमा पर्ने खुन मिंग शहरमा "हातमा हात मिलाऔं-2007" नामक आतंककारी गतिविधि विरोधी संयुक्त तालिमको आयोजना गरेका छन। उक्त तालिम यसै महिनाको सत्ताइस तारिखसम्म जारी रहने छ।
श्री छिङ्गका अनुसार, उक्त आतंकवादी गतिविधि विरोधी संयुक्त तालिमले आतंकवादविरोधी गैह्र-परम्परागत सुरक्षा क्षेत्रमा दुइ मुलुकबीचको सहयोगलाई अघि बढाउने र दुइ मुलुकबीचको चौतर्फी रणनैतिक साझेदारी सम्बन्धको विकासलाई घच्घच्याउने छ।
सिमासम्बन्धी समस्यामा चीन र भारतबीचको मतभेद सम्बन्धमा बोल्दै श्री छिङ्गले उक्त समस्याको समाधान गर्न दुबै मुलुकले राजनीतिक निर्देशक सिद्धान्त हासिल गरिसकेको जानकारी दिनुभयो। यसबाट छलफलद्बारा उक्त समस्याको उचित समाधान गर्न आधार तयार भएको छ।
|
