चीनका परराष्ट्र मन्त्रालयका प्रवक्ता छिन कांगले आज पेइचिंगमा आयोजित नियमित्र पत्रकार सम्मेलनमा बोल्दै जापानी प्रधानमन्त्री फुकुदा यासुओको चीन भ्रमणका क्रममा यी दुइ देशका नेतागणले कोरियाली प्रायद्बीपको आणविक समस्याको समाधान सम्बन्धी छ-पक्षीय वार्ता र प्रजातान्त्रिक जन गणतन्त्र कोरियालाई आणविक अस्त्ररहित पार्ने बिषयबारे वैचारिक आदान-प्रदान गर्नुहुने विश्वास व्यक्त गर्नुभएको छ।

        आजको पत्रकार सम्मेलनमा प्रवक्ता छिन कांगले छ-पक्षीय वार्ताको प्रक्रियामा चीन र जापानले घनिष्ठ आदान-प्रदान तथा सहयोगलाई अझ सबल पार्ने विषयमा चीन इच्छुक रहेको कुरा पनि औंल्याउनुभएको छ।

        यसका साथै उहाँले कोरिया प्रायद्बीपलाई आणविक अस्त्ररहित पार्ने र उत्तर-पूर्वी एशियाको शान्ति तथा स्थायीत्व भन्ने लक्ष्यलाई शाकार तुल्याउनु नै छ-पक्षीय वार्ताको अन्तिम लक्ष्य हुनुका साथै छ-पक्षका साझा हितका लागि यो अनुकूल रहेको कुरा पनि बताउनुभएको छ।