चिनियाँ परराष्ट्र मन्त्रालयका प्रवक्ता च्यांग युले आज पैचिंगमा आयोजित नियमित पत्रकार सम्मेलनमा बोल्दै चीनका परराष्ट्र मन्त्री यांग चे छले यसै महिनाको सात तारिखदेखि एघार तारिखसम्म दक्षिण अफ्रिका, कङ्गो, बुरुन्डी र इथियोपिया यी मुलुकहरुको भ्रमण गर्नुहुने कुराको जानकारी दिनुभयो।

      सुश्री च्यांगका अनुसार, चीन र अफ्रिका बीच 50वर्षभन्दा बढीसम्म अघिको परम्परागत मैत्रिपूर्ण सम्बन्ध छ। अफ्रिकी मुलुकसँगको एकता र सहयोगलाई सबल पार्नु चिनियाँ कुटनैतिक नीतिको महत्वपूर्ण भाग हो। परराष्ट्र मन्त्री यांगको भ्रमणको लक्ष्य आपसी समझदारीलाई घचघच्याउने, आपसी हितकर सहयोगलाई विस्तार पार्ने, चीन-अफ्रिका बीचको सहयोग मञ्चअन्तर्गत पेइचिंग शिखर सम्मेलनमा हासिल गरिएको सफलतालाई व्यवहारमा उतार्ने कुरालाई अघि बढाउने र चीन-अफ्रिका बीचको नयाँ किसिमको रणनैतिक सहयोग साझेदारी सम्बन्धको विकास गर्ने हो।

      उक्त भ्रमणको अवसरमा, परराष्ट्र मन्त्री यांगले यी चार मुलुकका विदेश मन्त्रीहरुसँग भेट-वार्ता गर्नुका साथै चार मुलुकका राष्ट्रपति र सरकारी नेतासँग पनि भेट-घाट गर्नुहुने कार्यक्रम रहेको छ।