बेइजि ओलम्पिक 2008 को प्रचारप्रसार गर्नका लागि चिनियाँ दूताबास, राष्ट्रिय खेलकूद परिषद र नेपाल चाइना फ्रेण्डशीप युथ एसोसिएनले संयुक्त रुपमा कार्यक्रम आयोजना गर्ने भएका छन् । आगामी मे महिनामा ओलम्पिक खेल सुरु हुनुभन्दा एक सय दिन अगाडि उल्टो गन्ती सूरु भएपछि काठमाडौँमा मैत्रीपूर्ण फुटबल प्रतियोगिता तथा विविध कार्यक्रम आयोजना हनेछ ।

                आज राष्ट्रिय खेलकूद परिषदको सभाकक्षमा भएको त्रिपक्षीय बैठकमा सो सम्बन्धी निर्णय भएको हो । चिनियाँ दूताबासको संस्कृति विभाग, राष्ट्रिय खेलकूद परिषद र नेपाल चाइना फ्रेण्डशीप युथ एसोसिएनका पदाधिकारीहरु सो बैठकमा सहभागी हुनुहुन्थ्यो । राष्ट्रिय खेलकूद परिषदका सदस्य सचिव जीवनराम श्रेष्ठ, नेपाल चाइना फ्रेण्डशीप युथ एसोसिएनका अध्यक्ष प्रकाशबाबु पौडेल र चिनियाँ दूताबासका संस्कृति विभागका प्रमुख तथा प्रथम सचिव चेन युली बैठकमा सहभागी हुनुहुन्थ्यो ।

                चिनियाँ दूताबासको संस्कृति विभागका प्रमुख तथा प्रथम सचिव चेन युलीले सि.आर.आई.लाई बताउनुभए अनुसार चिनियाँ ए डिभिजनको एक टिम नेपाल बोलाएर आगामी मे महिनाको दोस्रो अथवा तेस्रो हप्तामा नेपालमको लिग बिजेता तथा राष्ट्रिय टिमसँग मैत्रीपूर्ण खेलको आयोजना गरिनेछ । चीनबाट खेलाडी, मेडिकल टिम तथा प्रशिक्षक सहित 25जनाको टोली नेपाल आउनका लागि चीनमा पत्राचार भएको उहाँले बताउनुभयो । मैत्रीपूर्ण फुटबल खेलसँगै वेइजि ओलम्पिक 2008 का बारेमा सेमिनार, सांस्कृतिक झाँकी, फोटो प्रदर्शनी तथा रुलीको आयोजना हुनेछ ।

                आगामी अगष्ट 8 देखि चीनको बेइजंगा 29औं गृष्मकालीन ओलम्पिक खेलको आयोजना हुँदैछ । नेपालमा सरकारी तथा जनस्तरबाट बेइजि ओलम्पिक 2008 को प्रचार कार्य नयाँ वर्ष 2008 सँगै विविध सुरु भएको छ ।

चेतनाथ आचार्य

सि.आर.आई.

काठमाडौँ