चीनको स्वायत्त प्रदेश तिब्बतका ख्यातिप्राप्त कलाकारहरुको चित्रकला आजदेखि काठमाडौँमा सुरु भएको छ । ववरमहलस्थित सिद्धार्थ आर्ट ग्यालरीमा आज साँझ तिब्बती चित्रकलाको उद्घाटन भिक्षुणी तथा ख्यातिप्राप्त नेपाली गायिका आनी छोयिङ्ग डोल्माले गर्नुभयो ।

              तिब्बतीका नामी चित्रकारहरु हानन सुली, ह्वाङ्ग, जाची, चाङ्गपे, पेमा लगायतका पन्ध्रजनाले बनाएका चित्रहरुलाई प्रदर्शनीमा राखिएको छ । तिब्बती पौवाचित्र, थाङ्गा , परम्परागत चित्रहरुलाई तिब्बती चित्रकारहरुबाट बनाइउका चित्रहरुलाई नेपाली दर्शकले मन पराउने निश्चित छ । तिब्बती जनताको हातबाट बनाइएका गलैँचाहरु पनि प्रदर्शमा पनि प्रदर्शनमा राखिएकाले प्रदर्शनले थप महत्व बोकेको छ । प्रदर्शनी आगामी 23 तारिखसम्म रहनेछ ।

              तिब्बती चित्रकलामा तिब्बती नारी तथा पुरुषलाई आकर्षक ढङ्गबाट देखाइएको छ । तिब्बतको नीलो आकाश तथा तिब्बतका परीको चित्रले त्यहाँको मिलनसार र सौजन्यपूर्ण संस्कृतिलाई प्रष्टाएको छ ।

              चित्रकलाको उद्घाटन गर्दै भिक्षुणी तथा गायिका आनी छोयिङ्ग डोल्माले तिब्बती चित्रकलाले नेपालका वौद्धमार्गीहरुको भावना समेटेको बताउनुभयो । उहाँले नेपालको उत्तरी भेगमा बसोबास गर्ने शेर्पा जातिको संस्कृतिसँग समान रहेको बताउँदै चित्रकलाले दुई देशको मैत्रीभाव प्रकट गरेकोबताउनुभयो ।

               तिब्बती चित्रकार हान सुलीले यसभन्दा पहिले पनि आफ्ना चित्रकलाको नेपालमा प्रदर्शन गरिसक्नु भएको छ । नेपाली दर्शकले मन पराइसकेका चित्रकार लगायतका तिब्बतका ख्यातिप्राप्त चित्रकारहरुको संयुक्त चित्रकला प्रदर्शनीलाई नेपाली दर्शकहरुले मन पराउने विश्वास गरिएको छ।

चेतनाथ आचार्य

सि.आर.आई.

काठमाडौँ