हाल पैचिङ्ग ओलम्पिक खेलकुदसम्बन्धी विभिन्न सुरक्षा सम्बन्धी कार्य सुचारु रुपमा भैरहेको देखिन्छ। पैचिङ्ग शहरको सार्वजनिक सुरक्षा ब्यूरोका प्रमुख मा चन छ्वानले आज पैचिङ्गमा उक्त जानकारी दिनुभएको हो।

               उहाँका अनुसार, पैचिङ्ग शहरले सम्बन्धित विभागहरुसँगै मिलेर ओलम्पिक खेलकुदको सुरक्षा सम्बन्धी वास्तविक योजनाको तर्जुमा गर्नुका साथै ओलम्पिक खेलकुदको सुरक्षासम्बन्धी निर्देशन प्रणालीको पनि स्थापना गरिसकेको छ। यसका अतिरिक्त, आतंकवाद विरोधी अन्तर्राष्ट्रिय परिस्थिति अनुकुल हुनका लागि पैचिङ्ग शहरले आतंकवाद विरोधी जरुरी बन्दोबस्त निर्देशन मन्त्रालयको पनि स्थापना गर्दै विश्वमा रहेका सबैभन्दा आधुनिक वैज्ञानिक र प्राविधिक प्रणाली तथा प्रबन्धहरुको बन्दोबस्त गरिसकेको छ।

               यस बाहेक, सन् 2003देखि यता पैचिङ्गको प्रहरीले यथेन्स तथा सिड्नी आदि ओलम्पिक खेलकुदको आयोजना गरिसकेका शहरहरुमा ओलम्पिक खेलकुदसम्बन्धी सुरक्षा संरक्षण सम्बन्धी अनुभव सिक्न प्रहरीहरुलाई पठाउने गरेको छ।