चीनको परराष्ट्र मन्त्रालयका प्रवक्ता च्याङ्ग युले आज पैचिङ्गमा आयोजित नियमित पत्रकार सम्मेलनमा बोल्दै शर्तहरु परिपक्व भएको बेलामा कोरियाली प्रायव्दीपको आणविक समस्यासम्बन्धी छ-पक्षीय वार्ताअन्तर्गत अर्को चरणको बैठकका विषयमा सरसल्लाह गर्नसकिने विश्वास चीनले गरेको कुरा बताउनुभयो।

        पत्रकारद्बारा सोधिएको त्यस सम्बन्धी एक प्रश्नको जवाफ दिंदै उहाँले छ-पक्षीय वार्ता आजसम्म आइपुगेको बाटो त्यति सजिलो नभएको विचार व्यक्त गर्नुभयो।

        गत हप्तामा छ-पक्षीय वार्तामा अमेरिकी प्रतिनिधिमण्डलका प्रमुख पैचिङ्ग आइसक्नुभएको छ। उहाँले चीनका उप-परराष्ट्र मन्त्रीसित भेटघाट गर्नुभयो। त्यस अवसरमा दुबै पक्षबीच सम्बन्धित विषयहरुबारे गहनरुपमा वैचारिक आदान-प्रदान भएको थियो।