चीनको परराष्ट्र मन्त्रालयका प्रवक्ता च्यांग युले पाकिस्तान चीनको रणनैतिक सहयोगात्मक साझेदार हो भन्दै चीन-पाकिस्तान सर्वतोमुखी सहयोगात्मक सम्बन्धको विकास गर्नु नै चीनको निर्दिष्ट नीति रहेको कुरा बताउनुभएको छ। उहाँले पाकिस्तानसित चीन-पाकिस्तान रणनैतिक सहयोगात्मक सम्बन्धलाई निरन्तर रुपमा गहन पार्न चीन इच्छुक रहेको कुरा पनि औंल्याउनुभएको छ।

              आज पैचिङ्गमा आयोजित नियमित पत्रकार सम्मेलनमा केही पत्रकारले भारतीय प्रधानमन्त्रीले हालै चीनको भ्रमण गर्नुभयो। यसबाट चीन-भारत सम्बन्धको तिब्र विकास भएको देखिएको छ । यस परिवेशमा चीन-पाकिस्तान सम्बन्धमा कस्तो प्रभाव पर्ला भन्ने प्रश्नको जवाफमा उहाँले उक्त कुरा बताउनु भएको हो।

               उक्त अवसरमा प्रवक्ता च्यांग युले भारत र पाकिस्तानको छिमेकी रहेको चीनले यी दुइ देश बीचको सम्बन्धको सुधारको समर्थन गर्दै आएको कुरा पनि स्पष्ट पार्नुभयो।