|
चिनियाँ परराष्ट्र मन्त्रालयका प्रवक्ता च्यांग युले आज पैचिङमा बोल्दै राष्ट्र संघीय सुरक्षा परिषदमा समुचित तथा आवश्यक सुधार गर्ने कुराको चीनले समर्थन गरेको कुरा दोहर्याउनुभयो। पत्रकारद्वारा सोधिएको सम्बन्धित प्रश्नको जवाफ दिंदै प्रवक्ता च्यांग युले उक्त कुरा वताउनुभएको हो।
थाहा भएअनुसार, राष्ट्र संघीय सुरक्षा परिषदको सुधारबारे सरकारस्तरीय वार्ता शुरु भइसकेको छ जसले राष्ट्र संघीय सुरक्षा परिषदको सुधार नयाँ चरणमा प्रवेश भएको संकेत गरेको छ।
उहाँका अनुसार, संयुक्त राष्ट्र संघ तथा राष्ट्र संघीय सुरक्षा परिषदमा विकासोन्मुख मुलुकहरुले अरु ठूलो भूमिका निर्वाह गर्ने कुराको चीनले समर्थन गर्दैआएको छ। राष्ट्र संघीय सुरक्षा परिषदमा सुधार राष्ट्र संघको भावी विकास तथा हरेक मुलुकको हितसँग सम्बन्धित रहेको छ। सुधारको प्रस्तावबारे सबैभन्दा व्यापक मतैक्य हासिल गर्नका लागि व्यापक तथा प्रजातान्त्रिक छलफलमार्फत विभिन्न पक्षको हित तथा चासोबारे सोच-विचार गर्नुपर्ने ठहर चीनले गरेको छ।
|
