संचार माध्यमहरुलाई पैचिङ ओलम्पिक खेलकुदका लागि सुरक्षा संरक्षण कार्यमा प्राप्त उपलव्धि देखाउनका लागि हाल पैचिङ ओलम्पिक खेलकुद संयोजन समितिले चीन र विदेशका पत्रकारहरुलाई नयाँ निर्माण गरिएको पैचिङ विज्ञान तथा प्रविधि रंगशालाको निरीक्षण गराएको छ। यस रंगशालामा आगामी वर्ष आयोजना हुने पैचिङ ओलम्पिक खेलकुदअन्तर्गत ज्युडो तथा ताए क्वान दो प्रतियोगिताको आयोजना गरिनेछ। यस रंगशालाको सुरक्षा संरक्षण विभागका प्रमुख यांग पो वन पैचिङ ओलम्पिक खेलकुदको अवधिमा यस रंगशालामा कार्यभार लिने प्रहरी तथा सुरक्षा संरक्षणकर्मीलाई गम्भिरताका साथ छानिने तथा तालिम दिइने कुरा वताउनुहुन्छ, 

      हाम्रा सुरक्षा संरक्षणकर्मीहरुलाई निष्ठापूर्वक तालिम दिइएको छ। सम्बन्धित परीक्षामा उतिर्ण भएका व्यक्तिहरु मात्र हाम्रो टोलीमा प्रवेश गर्नसक्छन।

      पैचिङ ओलम्पिक खेलकुदको सुरक्षा संरक्षण केन्द्र अन्तर्गत रंगशाला तथा प्रबन्धको सुरक्षा संरक्षण विभागका उप-प्रमुख छाउ तुंग श्यांगले पैचिङ ओलम्पिक खेलकुदका रंगशालाको सुरक्षालाई प्रत्याभूति दिनका लागि पैचिङ ओलम्पिक खेलकुदको सुरक्षा संरक्षण केन्द्रले प्रतियोगिताका बेलामा हरेक रंगशालाको बाहिर सुरक्षाका लागि प्रभावकारी कार्य गर्ने जानकारी दिनुभयो।

      चीन सरकारले पैचिङ ओलम्पिक खेलकुदको सुरक्षा संरक्षण कार्यलाई उच्च महत्व दिएको छ। जसको कारण पैचिङ ओलम्पिक खेलकुदको सुरक्षा संरक्षण केन्द्रका उप-निर्देशक लिउ शाउ वु पैचिङ ओलम्पिक खेलकुदको सुरक्षा संरक्षण कार्यप्रति आफू पूर्ण विश्वस्त भएको कुरा वताउनुहुन्छ,

      पहिलो कुरा, चीन सरकारको निर्देशनमा चीनका सबै ठाउँले सक्रियताका साथ आवश्यक गतिविधि सञ्चालन गरेका छन। दोश्रो कुरा, मुख्य आयोजक स्थान तथा सह-आयोजक स्थानका सरकार तथा ओलम्पिक खेलकुद संयोजन समितिले सुरक्षा कार्यलाई उच्च महत्व दिएका छन। र तेश्रो, ओलम्पिक खेलकुदको सुरक्षालाई प्रत्याभूति दिनका लागि चीन सरकारले विभिन्न पक्षको शक्ति परिचालित गरेको छ। त्यसै कारण हामी यसको सुरक्षाप्रति पूर्ण विश्वस्त छौं।