पाकिस्तान चीनको असल छिमेकी मुलुक हो। दुवै मुलुक बीचको राम्रो राजनीतिक तथा आर्थिक सम्बन्ध रहेको छ भने दुवै मुलुकले खेलकुद क्षेत्रमा पनि प्रभावकारी सहयोग गरेका छन। पैचिङ ओलम्पिक खेलकुद नजीकिंदै आएको शिलशिलामा पाकिस्तानले पैचिड ओलम्पिक खेलकुदलाई झन् झन् बढी ध्याना दिंदै आएको छ। हाम्रा सम्वाददाले हिजो पाकिस्तानको ओलम्पिक खेलकुद समितिका अध्यक्ष आरिफ हासनसँग विशेष कुराकानी गरेका थिए। श्री आरिफ हासनले पैचिङ ओलम्पिक खेलकुदको तयारी कार्यको उच्च मूल्यांकन गर्नुभयो। उहाँ भन्नुहुन्छ,

       एउटा विशेषणद्वारा पैचिङ ओलम्पिक खेलकुदको तयारी कार्यबारे बयान गरेको खण्डमा मैले "निकै राम्रो" भन्ने छु। चिनियाँहरुले निकै उत्कृष्ठ कार्य गरेका छन। तिनीहरुले गरेको तयारी कार्य देख्दा हामीलाई पनि गौरव लागेको छ। हाम्रो देश र चीन बीचको सम्बन्ध घनिष्ठ छ। चिनियाँहरुले यस्तै राम्रो कुरा गरेका कुरा हामी आफैंले गरेका जस्ता लाग्छ। चिनियाँहरुको भाग्य राम्रो रहोस्।

      पाकिस्तानको ओलम्पिक खेलकुद समितिको गठन सन् 1948 मा भएको थियो। त्यस समिति र चिनियाँ ओलम्पिक खेलकुद समिति बीचको दिर्घकालीन अवधिसम्मको सहयोगी सम्बन्ध छ। उनान्तीसौं ओलम्पिक खेलकुदको आयोजना पैचिङमा हुनेछ। जसले दुइ मुलुकको ओलम्पिक खेलकुद समिति बीचको घनिष्ठ सहयोगका लागि अर्को अवसर प्रस्तुत गरेको छ। श्री आरिफ हासनले दुइ मुलुकका ओलम्पिक खेलकुद समिति बीचको सहयोगप्रति सन्तोष व्यक्त गर्नुभयो। उहाँ भन्नुहुन्छ,

      पाकिस्तानको ओलम्पिक खेलकुद समिति तथा चिनियाँ ओलम्पिक खेलकुद समिति बीचको घनिष्ठ सहयोग छ। पैचिङले ओलम्पिक खेलकुदको तयारी गर्नुअघि त्यस प्रकारको सहयोग शुरु भएको थियो। चीनले पाकिस्तानको खेलकुद कार्यका लागि धेरै सघाउ उपलव्ध गराएको छ। तीमध्ये पौडी, टेबल टेनिस लगायत खेलमा हामीलाई तालिम दिइएको कुरा समावेश छन। हाम्रो बीचको सहयोग भइरहेको छ। अब पैचिङ ओलम्पिक खेलकुदका लागि हामी र चिनियाँहरु बीचको अझ घनिष्ठ सम्पर्क रहेको छ।

      थाहा भए अनुसार, पैचिङ ओलम्पिक खेलकुद संयोजन समितिका कार्यकारी उपाध्यक्ष च्यांग श्याउ युको यस पटकको पाकिस्तान-भ्रमणको महत्वपूर्ण कार्य पाकिस्तानसँग ओलम्पिकको राँको पाकिस्तानमा रिले गर्ने कार्यक्रमबारे छलफल गर्नु हो। पाकिस्तानको राजधानी इस्लामावादमा ओलम्पिक राँको पार हुने शहरहरुमध्येको एक हो। पाकिस्तानले राँकोको रिले कार्यक्रम सुचारु रुपमा चाल्नका लागि प्रशस्त प्रयास गरेको छ। श्री आरिफ हासन यसबारे जानकारी दिंदै भन्नुहुन्छ,

       हामीले तयारी कार्य राम्रोसँग गरेका छौं। ओलम्पिकको राँको पाकिस्तान पुग्नुअघि तथा पैचिङ ओलम्पिक खेलकुदअघि हामीले अनेकन कार्यक्रमको आयोजनामार्फत पैचिङ ओलम्पिक खेलकुदको महत्वबारे जानकारी दिने छौं।

       श्री आरिफ हासनले पैचिङ ओलम्पिक खेलकुदमा भाग लिन पाकिस्तानको तयारी अवस्थाबारे जानकारी दिनुभयो। उहाँका अनुसार, पाकिस्तानको हकी टोलीले पैचिङ ओलम्पिक खेलकुदमा भाग लिने हैसियत प्राप्त गरेको छ। ओलम्पिक खेलकुदको बोक्सिंग प्रतियोगिताको हैसियत प्राप्त गर्न सम्बन्धित प्रतियोगिता कजाकिस्तानमा आयोजना भइरहेको छ। पाकिस्तानका बोक्सिंग खेलाडी पैचिङ ओलम्पिक खेलकुदमा भाग लिने हैसियत प्राप्त गर्नसक्ने आशा उहाँले गर्नुभयो। हकी पाकिस्तानको टोलीको श्रेष्ठ खेल हो। श्री आरिफ हासनले पाकिस्तान त्यस खेलमा पदक प्राप्त गर्ने छ भन्ने आशा व्यक्त गर्नुभयो।

       छिटै आयोजना हुन लागेको पैचिङ ओलम्पिक खेलकुदबारे चर्चा गर्दै श्री हासन भन्नुहुन्छ,

       पैचिङ ओलम्पिक खेलकुद विश्वको सबैभन्दा राम्रो ओलम्पिक खेलकुद हुनसक्ने आशा हामीले गरेका छौं। चीनले वातावरणीय संरक्षण, विज्ञान तथा प्रबिधि र मानवलाई उच्च महत्व दिएको छ। त्यसैले "हरित ओलम्पिक, बैज्ञानिक तथा प्राबिधिक ओलम्पिक, मानविय ओलम्पिक" भन्ने सिद्धान्तको निर्देशनमा यस पटकको ओलम्पिक खेलकुद सबैभन्दा सफल ओलम्पिक खेलकुद हुने विश्वास हामीले गरेका छौं।

       पाकिस्तानको ओलम्पिक खेलकुद समितिका अध्यक्षको हैसियतले श्री आरिफ हासनले पैचिङ ओलम्पिक खेलकुदलाई ठूलो ध्यान दिनुभयो। उहाँले विभिन्न तरिकामार्फत पैचिङ ओलम्पिक खेलकुदको सम्बन्धित अवस्थाबारे जानकारी लिनुभयो। पैचिङ ओलम्पिक खेलकुदको तत्स्थानमा पुगी यो भव्य खेलकुद हेर्नसक्ने आशा पनि उहाँले गर्नुभयो।