चीनको परराष्ट्रमन्त्रालयका प्रवक्ता लिउ च्यान छाउले चीनका परराष्ट्रमन्त्री याँग च्ये छले हाल चीनको भ्रमणमा रहनुभएका अमेरिकाका विदेशमन्त्री कोणदलिजा रायससँग वार्ता गर्नुका साथै दुई देशबीचको मानव अधिकारसम्बन्धी वार्ता पुनः शुरु गर्नेबारे मतैक्य हासिल गर्नुभएको कुरा वताउनुभएको छ। आज पेइचिंगमा आयोजित नियमित पत्रकार सम्मेलनमा बोल्दै उहाँले उक्त कुरा वताउनुभएको हो।

         उक्त वार्ता शुरु हुने समयबारे दुबै पक्षले कुटनीतिक उपायमार्फत सल्लाह गर्ने कुरा पनि उहाँले बताउनुभयो। चीन र अमेरिकाबीच सैनिक क्षेत्रमा प्रत्येक्ष सूचना सेवा शुरु गर्ने विषयबारे चर्चा गर्दै श्री लिउले यसबारे दुई पक्षले सल्लाह गरिरहेको र छिटोभन्दा छिटो सम्बन्धित सम्झौतामा हस्ताक्षर गर्नसकिने आशा चीनले गरेको कुरा बताउनुभयो।