अन्तर्राष्ट्रिय ओलिम्पिक खेलकूद समितिका अध्यक्ष ज्याक्वेस रोगेले सन् 2008 पैचिंग ओलिम्पिक खेलकूदका सामु जलवायुको प्रदूषणबाट आइपर्ने एक समस्या भएपनि चीनले प्रदूषणलाई कम गर्ने दिशामा अत्यन्तै ठूलो प्रयास गर्ने गरेको विचार व्यक्त गर्नुभयो।

      उहाँले हिजो क्यानाडाको भेनकौभर शहरमा कुराकानी गर्दै उक्त कुरा बताउनुभएको हो।

      प्रदूषित हावा नियन्त्रण गर्न र जलवायुको प्रदूषणलाई कम गर्नका लागि चीनले वृक्षारोपण गर्ने, पत्थर कोइलाको सट्टा प्राकृतिक ग्याँसको प्रयोग गरी विजुली निकाल्ने र ओलिम्पिक खेलकूदको अवधिमा सवारी साधनको संचालन संख्यालाई सीमित गर्ने जस्ता पाइलाहरु चालेको कुरामा श्री रोगेले प्रशंसा गर्नुभएको छ।

      ती प्रयासहरुबाट अगष्ट महिनामा आयोजित हुने पैचिंग ओलिम्पिक खेलकूदका लागि मात्र हितकर नभई आउने दशौं वर्षसम्म पनि सकारात्मक भूमिका खेल्ने कुरा श्री रोगेले बताउनुभयो।