चिनियाँ परराष्ट्र मन्त्रालयका प्रवक्ता लिउ चेन छाउले सुडानको दारफुर क्षेत्रको शान्ति प्रक्रियालाई घच्घच्याउनका लागि अन्तर्राष्ट्रिय समाजले साझा उत्तरदायित्व वहन गर्नुपर्ने विचार व्यक्त गर्नुभएको छ। उहाँले आज पैचिंगमा आयोजित नियमित पत्रकार सम्मेलनमा बोल्दै उक्त कुरा बताउनुभएको हो।

         दारफुर समस्यासम्बन्धी चीन सरकारका विशेष प्रतिनिधि लिउ क्वै चिनले हालै गर्नुभएको सुडान र बेलायतको भ्रमणका बारेमा सोधिएको पत्रकारको प्रश्नको उत्तर दिंदै उहाँले भन्नुभयो- सुडानको दारफुर समस्याका सम्बन्धमा चीनले अन्तर्राष्ट्रिय क्षेत्रका सम्बन्धित मुलुकहरुबीचको विचार-विमर्श, समन्वय, आदान-प्रदानलाई सबल पार्ने सदिच्छा लिएको छ। यसका साथै, चीनले दारफुर क्षेत्रमा शान्तिको पुनर्स्थापना र पुनर्निर्माण अनि उक्त क्षेत्रको मानवीय स्थितिमा सुधार ल्याउन अन्तर्राष्ट्रिय समाजसितै मिलेर साझा प्रयास गर्ने इच्छा पनि लिएको छ।