चिनियाँ जन-राजनैतिक परामर्शदात्री सम्मेलन राष्ट्रिय समितिको वार्षिक अधिवेशन आज दिउँसो पैचिङ्गमा शुरु भयो। पर्सी चिनियाँ राष्ट्रिय जन-कांग्रेसको वार्षिक अधिवेशन पनि शुरु हुनेछ जसले सम्पूर्ण विश्वको ध्यानाकर्षण गरेको छ। यसैबीच, हाम्रा थुप्रै श्रोताहरुले पनि इ-मेल, चिठी वा टेलिफोन आदि विभिन्न तरिकामार्फत यी अधिवेशनको सफलताको कामना गर्नुभएको छ।

             सी.आर.आई. श्रोता क्लबहरुको राष्ट्रिय परिषद नेपालका सल्लाहकार राजेन्द्र पहाडीले हामीलाई इ-मेल पठाएर यी दुइवटा अधिवेशनको सफलताका लागि हार्दिक शुभकामना व्यक्त गर्नुभएको छ।

             आफ्नो इ-मेलमा उहाँले भन्नुभएको छः विश्व राजनैतिक रंगमञ्चमा चीनलाई प्रखररुपमा उभ्याउनका लागि आवश्यक पूर्वाधार तैयार पार्न र एक्काइसौं शताव्दीका आवश्यकतालाई सम्बोधन गर्नसक्ने कामयाव नेतृत्व चयन गर्नका लागि चीनको सत्तारुढ कम्युनिष्ट पार्टीले आगामी अधिवेशनमा आफूलाई खरो उतार्ने छ भन्ने हामीले विश्वास लिएका छौं।