चिनियाँ राष्ट्रिय जन-कांग्रेसको वार्षिक अधिवेशन आज पैचिङ्गमा शुरु भयो। यसको सफलताका लागि थुप्रै श्रोताले हामीलाई शुभकामना पत्र वा इ-मेल पठाउनुभएको छ।

         यसैबीच सी आर आई श्रोता क्लबहरुको राष्ट्रिय परिषद नेपालका उपाध्यक्ष लोकेन्द्र काफ्लेले हामीलाई इ-मेल पठाएर चिनियाँ विशेषतायुक्त समाजवादले चिनियाँ जनताको सर्वतोमुखी विकासमा जोड दिनका लागि अवलम्बन गरिने नितीको निर्माण गर्न तथा चीनको समुचित विकासको प्रवर्द्धन गर्न तय गरिने नीति र त्यसको कार्यान्वयन गर्न बनाइने कानून एवम् नियमहरु तर्जुमा गर्न र तीनलाई पारित गर्नका लागि चिनियाँ राष्ट्रिय जन-कांग्रेसको आज शुरु भएको वार्षिक अधिवेशनको पूर्ण सफलताका लागि मंगलमय शुभकामना व्यक्त गर्नुभएको छ।

           आफ्नो इ-मेलमा श्री काफ्लेले भन्नुभयोः चीनको विकासको गति अन्य मुलुकहरुका लागि आश्चर्यजनक छ, चीनको आर्थिक वृद्धिदर सम्पूर्ण विश्वको कल्पनाभन्दा बाहिर पुगेको छ, वैदेशिक मामिलामा चीनको अहस्तक्षेपकारी नीति विश्वका तमाम न्यायप्रेमी शान्तिकामी जनताको पक्षमा रहेको छ, चिनियाँ जनताको भावना चीन सरकारले प्रतिध्वनित गर्नेगरेको छ।