हिजो सुरु भएको चिनियाँ राष्ट्रिय जनकंग्रेसको अधिवेशको सफलताका लागि नेपालका विभिन्न नेताहरुले शुभकामना दिनुभएको छ हिजो मार्च तीनबाट सुरु भएको चिनियाँ राष्ट्रिय जनकंग्रेस तथा भोलि मार्च 5 तारिखबाट सुरुहुने चिनियाँ जनराजनीतिक परामर्श दात्री सम्मेलनको अधिवेशका लागि विभिन्न व्यक्तिहरुले शुभकामना दिनुभएको छ । शुभकामना दिने क्रममा नेपाल कम्युनिष्ट पार्टी माओवादीका अध्यक्ष प्रचण्डले नयाँ चीनका प्रमुख राजनीतिक संयन्त्रको अधिवेश दुरगामी प्रभाव पार्ने खालका हुनेछन्‍ भन्नुभएको छ । सि.आर.आई.सँग कुरा गर्दै नेता प्रचण्डले भन्नुभयो चीनले जति धेरै प्रगति गरौं नेपाललाई त्यति फाइदा पुग्छ । छिमेकी राष्ट भएको हुनाले दुवैले एकअर्कामा सहयोगी भूमिका निर्वाह गर्दै आएका छन्‍ ।

         त्यसैगरी सूचना तथा सञ्चार मन्त्री कृष्ण बहादुर महराले दुवै अधिवेशको भव्य सफलताको कामना गर्नुभएको छ । मन्त्री महराले एक चीनको नीतिलाई नेपालले बिना सर्त स्वीकार गरेको दोहोर्‍याउँदै यो अधिवेशले ताइवानलाई चीनको मुख्यभूमिका फर्काउनका लागि प्रभावकारी भूमिका खेल्ने आफूले आशा गरेको बताउनुभयो । यसैबीच नेपाल भ्रमणमा रहेको उच्चस्तरीय चिनियाँ प्रतिनिधिमण्डल आज चीन फर्किएको छ । चिनियाँ विदेश मन्त्रालयका उपमन्त्री ह याफेइले नेतृत्व गर्नुभएको नौ सदस्यीय चिनियाँ प्रतिनिधिमण्डल गत दुई तारिख काठमाडौँ आएको थियो । भ्रमणका अवसरमा उपमन्त्री याफेइको चिनियाँ प्रतिनिधिमण्डलले प्रधानमन्त्री गिरिजाप्रसाद कोइराला, विभिन्न नेताहरु तथा प्रधानसेनापतिसँग भेट गरेको थियो । नेपाल र चीनको परराष्ट मन्त्रालयको परामर्श संयन्त्रको सातौँ बैठकमा भाग लिनका लागि याफेइले नेतृत्व गर्नुभएको चिनियाँ प्रतिनिधिमण्डल काठमाडौँ आएको थियो । त्यसैगरी चिनियाँ मैत्री संघको निमन्त्रणामा एक साताको चीन भ्रमण गर्नका लागि नेपालका चारवटा संस्थाका प्रतिनिधिहरु हिजो चीन प्रस्थान गर्नुभएको छ । अरनिको समाजका अध्यक्ष डा. हरिश्चन्द्र शाहको नेतृत्वमा नेपाल चाइना प्रेण्डशीप युथ एसोसिएसनका अध्यक्ष प्रकाशबाबु पौडेल, नेपाल चीन प्रतिष्ठान र नेपाल चीन मैत्री समाजका अध्यक्षहरु हुनुहुन्छ ।

चेतनाथ आचार्य

सि.आर.आई.
काठमाडौँ