|
चिनियाँ वैदेशिक मैत्री संघको निमन्त्रणामा अरनिको समाजका अध्यक्ष डा. हरिषचन्द्र शाह, नेपाल-चीन मैत्री युवा संघका अध्यक्ष प्रकाश बाबु पौडेल, नेपाल-चीन मैत्री संघ लुम्बिनीका अध्यक्ष सूर्य लाल र नेपाल-चीन प्रतिष्ठान पोखराका अध्यक्ष सुशिल राज पराजुलीसम्मिलित एक प्रतिनिधिमण्डलले आज सी.आर.आई. को भ्रमण गर्यो। भ्रमणका क्रममा उहाँहरुले सी.आर.आई. प्रथम एशिया विभागका प्रमुख ह चिन छाउसँग भेटघाट गर्नुभएको थियो।
सो अवसरमा बोल्दै प्रतिनिधिमण्डलका सदस्यहरुले चीन र नेपालबीचको मैत्रीपूर्ण सम्बन्धको विकासमा चिनियाँ अन्तर्राष्ट्रिय रेडियोले निर्वाह गरेको भूमिकाको उच्च मूल्यांकन गर्नुभयो।
प्रत्युत्तरमा श्री ह चिन छाउले आगामी दिनहरुमा दुइ देशबीचको मैत्री सम्बन्धलाई अझ सुमधुर तथा प्रगाढ पार्नका लागि सी.आर.आई र नेपालका मैत्री संगठनहरुसँग घनिष्ठ सहयोग गर्ने इच्छा व्यक्त गर्नुभयो।
सो अवसरमा बोल्दै प्रतिनिधिमण्डलका प्रमुख डा. हरिष शाहले चीनमा भइरहेका दुइवटा महत्वपूर्ण अधिवेशनको सफलताका लागि हार्दिक शुभकामना व्यक्त गर्नुभयो।
|
