चीनका राष्ट्राध्यक्ष हु चिन थाउ लगायत चिनियाँ नेताहरु आज छुट्टा छुट्टै रुपमा पैचिङ्गमा भैरहेका नयाँ राष्ट्रिय जन काँग्रेस तथा राजनैतिक परामर्शदात्री सम्मेलनको वार्षिक अधिवेशनमा सहभागी केही प्रतिनिधि मण्डलसंगको छलफल तथा बैठकमा सम्मलित हुनुभएको छ।

             राष्ट्रिय जन काँग्रेसअन्तर्गत तिब्बती प्रतिनिधि मण्डलको छलफलमा भाग लिनुहुँदा श्री हु चिन थाउले जन जीवनलाई प्रभावकारी रुपमा सुनिश्चित पार्नुपर्ने, जातीय तथा धार्मिक कार्यलाई मजबुत पार्नुपर्ने र सक्दो प्रयासमार्फत तिब्बती समाजलाई स्थिर र मेलमिलापयुक्त पार्नुपर्ने कुरामा जोड दिनुभयो।

             राष्ट्रिय जन काँग्रेस स्थायी समितिका अध्यक्ष ऊ पाङ्ग कोले क्वै चौ प्रतिनिधि मण्डलसंगको छलफलमा भाग लिनुभयो। उहाँले हिमपात भएपछि क्वै चौको पुन:निर्माण कार्यलाई राम्रोसँग गर्न क्वै चौका विभिन्न जातिहरुलाई आव्हान गर्नुभयो।

             प्रधानमन्त्री वन च्या पाउले लगातार चार पटक गरी कान सु प्रतिनिधि मण्डलको बैठकमा भाग लिनुभएको छ। बैठकमा उहाँले देशको पर्यावरणीय वातावरणको सुधार गर्ने अठोट पनि व्यक्त गर्नुभयो।

             यसबाहेक, राजनैतिक परामर्शदात्री सम्मेलनका अध्यक्ष च्या छिङ्ग लिनले हंगकंग तथा मकाउ क्षेत्रका राजनैतिक परामर्शदात्री सम्मेलनका सदस्यहरुसंग भेटघाट गर्नुका साथै सम्बन्धित छलफलमा पनि भाग लिनुभएको छ।