चीनका निजामती प्रशासन मन्त्री ली स्यूए च्यूइले नौ तारिखका दिन पैचिङ्गमा बोल्दै हाल चीनका नगर र ग्रामीण क्षेत्रमा सामाजिक उद्धार प्रणाली आधारभूतरुपमा स्थापित भई कठीनाइमा परेका नागरिकहरुको जीवन-यापनको प्रत्याभूति संजाल बनिसकेको कुरा बताउनुभएको छ।

        एघारौं चिनियाँ राष्ट्रिय जन-कांग्रेसको पहिलो सम्मेलनद्बारा आयोजित पत्रकार सम्मेलनमा बोल्दै उहाँले पछिल्ला केही वर्षदेखियता चीनले निरन्तररुपमा नागरिकहरुको न्यूनतम जीवनयापनको स्तरलाई प्रत्याभूत गर्ने कार्यमा जोडतोडसित रकम छुट्याउँदैआएको छ भन्नुभयो। उहाँका अनुसार, गत वर्षको अन्तसम्म छुट्याइएको रकमको परिमाण सत्तायस अरब चिनियाँ युवानभन्दा बढी पुगेको छ। त्यस क्रमममा नगर र ग्रामीण क्षेत्रमा औषधोपचारसम्बन्धी उद्धार कार्य नभएको अवस्थादेखि भएको अवस्थामा पुगी संतोषजनक सफलता प्राप्त भएको छ।

         उहाँको भनाइअनुसार, चीनमा सामाजिक उद्धार प्रणाली स्थापना भएको समय छोटो भएकाले नगर र ग्रामिण क्षेत्रमा असंतुलाको अवस्था देखिन्छ। अब पछि सरकारले प्रभावकारी कदमहरु चाली त्यस समस्याको समाधान गर्दैजाने योजना छ।