नेपाल-चीन मैत्री परिषद एवम् सी.आर.आई. श्रोता क्लबहरुको पूर्वाञ्चल परिषद दमक झापाका अध्यक्ष डा. नबिन चापागाईले हामीलाई पठाउनुभएको इ-मेलमा भन्नुभएको छः परापूर्व कालदेखिको नेपालको एक मात्र असल छिमेकी राष्ट्र चीन, हिमाल पारीको अति नै सुन्दर देश चीन, विश्वमा सबैभन्दा बढी जनसंख्या भए पनि सुखी देश चीन, विश्वमा आधुनिक साम्यबादी देशको नामबाट परिचित देश चीन, गास, बास, कपास, शिक्षा, स्वास्थ्य, कृषि, विज्ञान-प्रविधि एवम् आर्थिक हरेक क्षेत्रमा अगाडि रहेको देश चीन एवम् नेपाललाई हरेक क्षेत्रमा सहयोग गर्ने देशको रुपमा चीन सबै नेपालीको हृदयमा रहेको छ। अहिले भैरहेको चिनियाँ जन-राजनैतिक परामर्शदात्री सम्मेलन र चिनियाँ राष्ट्रिय जन-कांग्रेसको वार्षिक अधिवेशनमा चीनका महत्वपूर्ण नेताहरुले गहन भूमिका निर्वाह गर्नुहुने आशा मैले गरेको छु।