चिनियाँ सर्वोच्च जन-अदालतका प्रमुख श्याओ याँगले विगत पाँच वर्षमा चीनका विभिन्न तहका अदालतद्बारा फैसला गरिएका बौद्धिक सम्पदा अधिकारसम्बन्धी फौजदारी मुद्दा, नागरिक मामिला र प्रशासनसम्बन्धी मुद्दाको संख्या सत्तरी हजारभन्दा बढी पुगेको जानकारी दिनुभएको छ।

         उहाँले हाल भइरहेको चिनियाँ राष्ट्रिय जन-कांग्रेसको प्रथम वार्षिक नियमित अधिवेशनमा कार्य-प्रतिवेदन प्रश्तुत गर्दै उक्त कुरा बताउनुभएको हो।

         उहाँका अनुसार, सन् 2003 देखि 2007सम्मको अवधिका रचना अधिकार, सर्वाधिकार, मार्का अधिकारको उल्लंघन, अनुचित प्रतिस्पर्धा, प्राविधिक ठेक्का र वनस्पतिका नयाँ जात विषयक वाद-विवाद लगायतका बौद्धिक सम्पदा अधिकारसम्बन्धी फौजदारी मुद्दाको संख्या अघिल्लो पाँच वर्षको तुलनामा डेढ गुणाले बढेको छ। फैसला गरिएका मार्का, सर्वाधिकार र पेन्टेन्ट लगायतका प्रशासनिक मुद्दाको संख्या अघिल्लो पाँच वर्षको तुलनामा पाँच गुणाले बढेको छ।