चीनको परराष्ट्र मन्त्रालयका प्रवक्ता छिन काङले पैचिङ्गमा ओलम्पिक खेलकुदको आयोजना गर्ने कुरा निश्चित भएदेखि यता चीनले वातावणीय सुधारका दुइ सयवटा कदमहरु चालेपछि पैचिङ्गको वायुको गुणस्तरमा स्पष्टरुपमा सुधार भइसकेको कुरा बताउनुभएको छ।

        आज पैचिङ्गमा आयोजित नियमित पत्रकार सम्मेलनमा बोल्दै उहाँले पैचिङ्ग ओलम्पिक खेलकुदका अवधिमा वायुको गुणस्तरलाई प्रत्याभूत गर्ने कदमका दुइ चरण भएको जानकारी दिनुभयो। प्रवक्ताले ती चरणअन्तर्गत, पहिलो चरणमा मुख्यतया प्रदूषण नियन्त्रण गर्नु दोश्रो चरणअन्तर्गत र ओलम्पिक खेलकुदका अवधिमा मुख्यतया प्रदूषण निष्काशनको मात्रालाई अरु नियन्त्रित पार्नु हो भन्नुभयो।

       ती कदमको परिणामस्वरुप पैचिङ्गमा वायुको गुणस्तर राष्ट्रिय मापदण्ड तथा अन्तर्राष्ट्रिय स्वास्थ्य संगठनको मापदण्डसँग मिल्ने विश्वास चीनले लिएको कुरा बताउनुभयो।