वाटर क्युब परियोजनाका प्रधान इन्जिनियर श्रीमती छन लै भन्नुहुन्छः

      हामी खुशीले गदगद भएका छौं। विगत चार वर्षमा हामीले निकै परिश्रमका साथ काम गर्‍यौं। सो परियोजनाको क्षेत्रफल असी/नब्बे हजार वर्ग मिटर मात्र भए पनि त्यसको बनौटको जटिलताका कारण त्यो अव्दितीय छ। त्यसै भएको हुनाले म आफ्ना भावनाहरु भाषामार्फत व्यक्त गर्न सक्दिन।

      थाहा भएअनुसार, सो रंगशाला हङ्ग कङ्ग, मकाउ र थाइवानका देश-बन्धुहरु र विदेशमा बसोबास गरिरहेका चिनियाँ प्रवासी र चिनियाँ मूलका विदेशीहरुद्वारा प्रदान गरिएको चन्दाद्वारा निर्माण गरिएको एउटा रंगशाला हो। त्यस रंगशालामा सत्र हजार स्थान छन्। तिमध्ये छ हजार स्थान स्थायी छन भने एघार हजारवटा अस्थायी। उक्त परियोजनाको निर्माणका लागि खर्च गरिएको रकमबारे चीनका डिजानर चङ्ग फाङ्ग भन्नुहुन्छ-

      यस परियोजनाका लागि गरिएको अनुमान अनुरुप त्यसको कूल लगानी एक अरब दुई करोड असी हजार चिनियाँ युआन पुगेको छ।

      उक्त परियोजनाका कार्यकारी प्रधान इन्जिनियर श्रीमती छन लैको भनाइअनुसार, उक्त रंगशालामा पानी आपूर्ति गर्ने मुहान पूराका पूरै अन्तर्राष्ट्रिय ओलम्पिक आयोगको मागअनुकुल छ र त्यो पानी प्रशोधन नगरिकनै खान सकिन्छ।

      थाहा भएअनुसार, पैचिङ्ग ओलम्पिक खेलकुदपछि उक्त रंगशालाको सुधार गरिने छ। त्यस बेला त्यो तालिम दिने, मनोरन्जन कार्यक्रम गर्ने र कसरतसम्बन्धी अनेकौं कार्यक्रमहरुको अन्तर्राष्ट्रिय केन्द्र बन्नेछ।

      जनवरी एकतीस तारिखदेखि फेब्रुअरी पाँच तारिखसम्म सो रंगशालाले पहिलो पटक प्रतियोगितामा सहभागी हुनलागेका चीनका खेलाडीहरुको स्वागत गर्नेछ।