चिनियाँ परराष्ट्र मन्त्रालयका प्रवक्ता छिंग काँगले चीनले समानता र पारस्परिक सम्मानको आधारमा विश्वका विभिन्न मुलुकसित मानव अधिकार सम्बन्धी विषय बारे कुराकानी र आदान प्रदान गर्ने इच्छा लिएको छ तर मानव अधिकारको निहुंमा अरु मुलुकको आन्तरिक मामिलामा हस्तक्षेप गर्ने छूट कुनै पनि मुलुकलाई दिइँदैन भन्नुभयो।

         उहाँले अमेरिकी परराष्ट्र मन्त्रालयबाट हालै चीनको मानव अधिकार सम्बन्धी प्रतिवेदन सार्वजनिक गरेको विषय बारे पत्रकारको प्रश्नको उत्तर दिंदा उक्त कुरा बताउनुभएको हो।

          प्रवक्ता छिंगले भन्नुभयो- चीन सरकारले मानवको हित र लाभमा आधारित शासन चलाउने आफ्नो धारणामा डटिरहँदै कानून बमोजिम मानव अधिकारलाई कदर र प्रत्याभूति गर्दै मानव अधिकारको प्रबर्द्धन गर्नका लागि अथक प्रयास गर्दै आएको छ। यसका साथै ठूलो सफलता पनि हासिल गरिसकेको छ। यी सबै कुराहरु अन्तर्राष्ट्रिय समाजले स्पष्टसंग देखि पनि सकेका छन्।

         चीनले अमेरिका सरकारलाई स्वयँ आफ्नै मानव अधिकार क्षेत्रको समस्यालाई सही तवरले लिँदै मानव अधिकार सम्बन्धी समस्यामा दोहोरो मापदण्ड नअपनाउन र अरु मुलुकको आन्तरिक मामिलामा हस्तक्षेप गर्ने कुकर्मलाई रोक्न पनि उपदेश दिएको कुरा प्रवक्ता छिंगले प्रकट गर्नुभयो।