चीनका शिक्षा मन्त्री चौ चीले आज पैचिङ्गमा बोल्दै बितेका केही वर्षदेखि यता चीनले शिक्षालाई समान पार्न प्रयास गर्दै आएको हाराहारीमा सो क्षेत्रमा ठूलो प्रगति हासिल गरेको जानकारी दिनुभएको छ।

         चिनियाँ तथा विदेशी पत्रकारहरुसँगको संयुक्त अन्तर्वार्तामा उहाँले उक्त जानकारी दिनुभएको हो। उहाँका अनुसार, चीनले अनिवार्य शिक्षाका चरणमा पढाइलाई निःशुल्क पार्नुका साथै आर्थिक कठिनाइमा परेका विद्यार्थीहरुलाई सहायता दिने प्रणालीलाई पूर्णता दिलाएको छ। यसका साथै चीनले शैक्षिक क्षेत्रमा जथाभावी रुपमा पैसा संकलन गर्ने गतिविधिलाई दण्ड दिइ हाइस्कूलका स्नातकहरुका लागि काम खोज्ने सेवारत प्रणालीको स्थापना तथा सुधार गरेको छ।

         ठूलो जनसंख्या भएको चीनमा शिक्षालाई समान पार्ने प्रक्रिया लामो भएता पनि चीनले अथक प्रयास गर्दै उक्त कार्यलाई सन्तोषजनक पार्ने विश्वास पनि शिक्षा मन्त्री चौले व्यक्त गर्नुभयो।