चिनियाँ राष्ट्रिय भू-श्रोत उप मन्त्री युन स्याउ सुले आज चौध तारिखका दिन पैचिङ्गमा बोल्दै चीनले खेतिपाती गर्न सक्ने खेत-जग्गाको क्षेत्रफल बाह्र करोड हेक्टरभन्दा कम नहुनेतर्फ प्रत्याभूति गर्ने भएको कुरा बताउनुभएको छ।

        उहाँले चिनियाँ र विदेशी पत्रकारहरुसितको अन्तर्वार्तामा बोल्दै राष्ट्रिय खेत-जग्गाको श्रोतको संरक्षण र प्रयोग गर्नु भनेको चीनको एक किसिमको आधारभूत राष्ट्रिय नीति नै हो र किफायत गरी सामूहिक रुपमा भूभागको प्रयोग गर्नु नै चीनका दीर्घकालीन मूलभूत कार्य-नीति हो भन्ने कुरा स्पष्ट पार्नुभएको छ। उहाँका अनुसार चीनले दृढताका साथ बाह्र करोड हेक्टरभन्दा कम नहुने गरी त्यस रातो लाइनलाई कायम राख्दै जाने भएको छ र खेत-जग्गाको कोटालाई कडाइका साथ सुरक्षित पारी आर्थिक समाजको दिगो विकासको प्रत्याभूति गर्दै जाने छ।

        चीनमा विश्व भरको खेत-जग्गाको दश खण्डको एक खण्ड मात्र छ भने त्यसले विश्वका बाईस प्रतिशत जन संख्याको खाने कार्यभारको जिम्मा बेहोर्दै आएको छ।