चिनियाँ राष्ट्रिय जन कांग्रेसको नियमित अधिवेशनको पूर्ण सम्मेलनमा श्री हु चिन थाउ फेरि एक पटक चीनका राष्ट्राध्यक्ष एवम केन्द्रीय सैन्य आयोगका अध्यक्ष निर्वाचित हुनुभएको छ। त्यसपछि सिन्व्हा सम्वाद समितिले उहाँको संक्षिप्त जीवनी प्रकाशित गरेको छ।

      उक्त संक्षिप्त जीवनका अनुसार श्री हु चिन थाउ हान जातिका हुनुहुन्छ। उहाँ सन्1942मा जन्मनुभैको हो। उहाँ सन् 1964मा चिनियाँ कम्युनिष्ट पार्टीका सदस्य बन्नुभयो। विश्वविद्यालयबाट स्नातक हुनुभएपछि इन्जिनियर हुनुभयो। विगत साठीको शताव्दीमा छिङ्ग व्हा विश्वविद्यालयबाट स्नातक भएपछि जल-विद्युत मन्त्रालयमा काम गर्नुभयो। अनि त्यसपछि उहाँले राष्ट्रिय युवा संघका अध्यक्ष, साम्यवादी युवा संघको केन्द्रीय सचिवालयका प्रथम सचिव, चिनियाँ कम्युनिष्ट पार्टीको क्वै चाउ प्रान्तको सचिव, चिनियाँ कम्युनिष्ट पार्टीको तिब्बत स्वायत्त प्रदेशको सचिवालयका सचिव आदि पदहरु सम्हाल्नुभएको थियो। सन् 1992देखि 2002सम्म उहाँले अघिपछि गरी चिनियाँ कम्युनिष्ट पार्टीको केन्द्रीय समितिको राजनैतिक व्यूरोका स्थायी सदस्य, केन्द्रीय सचिवालयका सचिव, जनगणतन्त्र चीनका उप राष्ट्राध्यक्ष, केन्द्रीय सैन्य आयोगका उपाध्यक्ष आदि पदको जिम्मेवारी बेहोर्नुभएको थियो। सन् 2003देखि उहाँले चिनियाँ कम्युनिष्ट पार्टीको केन्द्रीय समितिका महा सचिव र जन गणतन्त्र चीनका राष्ट्राध्यक्ष हुनुभयो भने सन 2005देखि अहिलेसम्म उहाँले चिनियाँ कम्युनिष्ट पार्टीको केन्द्रीय समितिका महा सचिव र जन गणतन्त्र चीनका राष्ट्राध्यक्ष एवम केन्द्रीय सैन्य आयोगका अध्यक्ष हुनुहुन्छ।