चीनको एघारौं राष्ट्रिय जन-कांग्रेसको पहिलो अवधिवेशन आज विहान पैचिङमा सम्पन्न भयो।
अवधिवेशनको समापन समारोहमा बोल्दै पुन:निर्वाचित चीनका राष्ट्राध्यक्ष हु चिन थाउले चीनको संविधानद्वारा दिइएको पवित्र जिम्मेवारीलाई निष्ठापूर्वक वहन गरी आफूले मेहनतका साथ काम गर्ने, जनताको हितका लागि काम गर्ने र राष्ट्रको विकासका लागि प्रयास गर्ने कुरा वताउनुभयो।
यसका साथै, राष्ट्राध्यक्ष हु चिन थाउले नव-निर्वाचित राष्ट्रिय संस्थाका कर्मचारीहरुले जनताद्वारा दिइएको महत्वपूर्ण जिम्मेवारी वहन गरेका कारण तिनीहरुले आफ्नो जिम्मेवारी वहन गर्ने प्रक्रियामा जनताका लागि सेवा उपलव्ध गराउने आधारभूत उद्देश्यबमोजिम जनताका विभिन्न हक-अधिकारको प्रत्याभूति दिने, मनैदेखि जनताका लागि हित-कल्याण सिर्जना गर्ने कुरामा जोड दिनुभयो।
चिनियाँ राष्ट्रिय जन-कांग्रेस स्थायी समितिका अध्यक्ष वु बांग कोले यस समापन समारोहमा बोल्दै यस पटकको अधिवेशनले सम्पन्न समाजको निर्माण गर्ने नयाँ विजय प्राप्त गर्न तथा चिनियाँ विशेषतायुक्त समाजवादी कार्यको नयाँ परिस्थिति सिर्जनाका लागि प्रयास गर्न चीनका विभिन्न जातिका जनतालाई प्रोत्साहित गर्ने कुरा वताउनुभयो।
समापन समारोहमा चिनियाँ राष्ट्रिय जन-कांग्रेसका करिब तीन हजारजना प्रतिनिधिले सरकारी कार्य-प्रतिबेदन, योजना तथा बजेट प्रतिबेदन, सर्वोच्च जन-अदालत तथा प्रधान न्यायाधिशको कार्य-प्रतिबेदनमाथि छलफल गर्नुका साथै तीनलाई पारित गरेका थिए।
|