चिनियाँ राष्ट्रिय जन-कांग्रेस स्थायी समितिका अध्यक्ष उ पांग कोले आज पैचिंगमा बोल्दै व्यापक जनताको मौलिक हितको लक्ष्यलाई राम्ररी साकार तुल्याउनुका साथै त्यसको संरक्षण गर्नुपर्ने कुरा बताउनुभयो। आज आयोजित चीनको नयां राष्ट्रिय जन-कांग्रेसको वार्षिक सम्मेलनको समापन समारोहमा बोल्दै श्री उ पांग कोले उक्त कुरा बताउनुभएको हो।

              उहाँका अनुसार, एघारौं राष्ट्रिय जन-कांग्रेस तथा त्यसको स्थायी समितिले चिनियाँ कम्युनिष्ट पार्टीको नेतृत्वमा डटिरहनुपर्ने, जनता आफ्नो मालिक बन्नुपर्ने र ऐन-कानूनका आधारमा शासन चलाउनुपर्ने कुरालाई एकीकृत पार्नुपर्छ।

               उ पांग कोले अगाडि भन्नुभयोः वैज्ञानिक र प्रजातान्त्रिकरुपमा विधान बनाउनुपर्छ र निरन्तररुपमा विधान बनाउने गुणस्तरलाई उकास्नुपर्छ। राजनीति र सामाजिक जीवनमा ऐन-कानूनको आदर्श भूमिकालाई डोर्‍याउने र प्रत्याभूत गर्ने भूमिकालाई राम्ररी विकसित पार्नुपर्छ।