|
चीनका प्रधानमन्त्री वन च्या पाउले आज पैचिंगमा बोल्दै प्रशस्त प्रमाणले लाह्सामा गरिएको कुटपिट, होहल्ला, लूटपाट, आगजनी दलाइ समूहले संगठनात्मकरुपमा, पूर्व-निर्धारित योजनाअनुसार सूक्ष्मरुपमा गरेको कुरा प्रमाणित भएको कुरा बताउनुभयो।
प्रधान मन्त्री वनका अनुसार, चीन सरकारसँग तिब्बतको स्थायीत्व तथा सामाजिक परिपाटीको संरक्षण गर्ने क्षमता भएको मात्र नभई चीन सरकारले तिब्ब्तको अर्थतन्त्रको विकास तथा समाजको प्रगतिको समर्थन गर्न, तिब्बतमा विभिन्न जातिका जनताको जीवन-स्तर उकास्न र तिब्बतको सांस्कृतिक तथा पर्यावरणीय वातावरणको संरक्षण गर्ने क्षमता पनि छ र सरकारले त्यस प्रयासलाई जारी राख्नेछ।
प्रधानमन्त्री वनले पत्रकारको प्रश्नको जवाफ दिदै दलाइले स्वतन्त्रताको धारणा त्यागेमा र तिब्बत तथा थाइवान चीनको अविभाज्य अङ्ग भएको कुरालाई स्वीकारेको खण्डमा चीन सरकारले वार्ताको ढोका खोल्ने कुरा पनि बताउनुभयो।
|
