चीनको परराष्ट्र मन्त्रालयका प्रवक्ता छिन कांगले अठार तारिखका दिन पैचिंगमा बोल्दै चीन सरकारले युरोपेली संघले तथ्यको सम्मान गर्दै सेतो र कालोलाई छुट्याएर अन्तर्राष्ट्रिय समाजसंगै संयुक्त रुपमा दलाई गुटको हिंसात्मक आपराधीक गतिविधिलाई रोकथाम गर्ने कुरा व्यक्त गर्नुभयो ।

        श्री छिन कांगले पत्रकारव्दारा सोधिएका प्रश्नको जवाफ दिंदा उक्त कुरा बताउनुभएको हो । श्री छिन कांगले अगाडी भन्नुभयोः चीन सरकारले तिब्बतको परिस्थितिका सम्बन्धमा युरोपेली संघले प्रकाशित गरेको अध्यक्ष मुलुकको वक्तव्यलाई ध्यानमा राखेको छ । चीनले युरोपेली संघ तथा त्यसका सदस्य मुलुकहरु समक्ष लाह्सामा उत्पन्न भएको कुटपिट गर्ने, लुटपाट गर्ने तथा आगो लगाउने गम्भिर हिंसात्मक आपराधीक काण्डको वास्तविक अवस्था तथा तिब्बत स्वायत्त प्रदेशका सम्बन्धम विभागले कानून अनुसार सम्बन्धीत कुराको समाधान गर्ने कुरालाई जानकारी गरेको छ । यो काण्ड दलाई गुटले संगठनात्मक , पूर्व षडयन्त्र रचेर गरेको र भड्काइएको हो । चीनभित्र र बाहिरका तिब्बत स्वतन्त्रता पक्षधर एवम् पृथकतावादी शक्तिले आपसी सांठगांठ गर्दै यो काण्ड मच्याएका हुन् । यसबाट दलाई गुटको पृथकतावादी स्वभाव तथा त्यसले फलाकिहिंडेको तथाकथित शान्ति र अहिंसाको स्वांग र पाखण्डीको अनुहार फेरि छर्लंग हुन गएको छ । यो नै आधारभूत मानव अधिकार र स्वतन्त्रता सम्बन्धी सिद्धान्तलाई गम्भिर रुपमा कुल्चीएको हो ।