पारा ओलिम्पिक खेलकूदका लागि सेवा कार्यमा निकै इलमी ज्ञानको आवश्यकता छ। यसको संचालन गर्ने स्तरलाई माथि उकास्न र खेलकूदाका क्रममा मानवीय हेरचाह देखाउनका लागि यस सम्बन्धी तालिम दिने काम राम्ररी गर्नु अति जरुरी छ। पैचिंग ओलिम्पिक खेलकूदको तालिम समन्वय टोलीले हालै पारा ओलिम्पिक खेलकूद सम्बन्धी तालिम कार्य सम्मेलनको आयोजना गर्‍यो। उक्त समन्वय टोलीका जिम्मेवार व्यक्ति चु शान लुले आफ्नो विचार व्यक्त गर्दै भन्नुभयो- ओलिम्पिक खेलकूदको दाँजोमा पारा ओलिम्पिक खेलकूदको आफ्नै विशेषता र नियम छ। त्यसैले यसको सेवा गर्ने कर्मचारीहरुसित झन् उच्च अपेक्षा राखिएको छ। उहाँले पारा ओलिम्पिक खेलकूद सम्बन्धी तालिम कार्य आफ्नै इलमी मापदण्ड हुनुका साथै त्यसको सामाजिक व्यापकता जस्ता विशेषता छ भन्नुहुन्छ। जुन मुख्यतः चार पक्षबाट अभिव्यक्त गरिएको छ-

     "एक, यसमा झन् गहन मानवीय भावना देखिएको छ। दुइ, यसको स्पष्ट व्यवहारिक विशेषता छ। तीन, यसको छुट्टै इलमी मापदण्ड छ र चार, यसको जटिल सामाजिक आबद्धता छ। पारा ओलिम्पिक खेलकूद अपाँगहरुको मामिला हो। अपाँगहरुले हेरचार र कदर पाउनुपर्छ"।

      जनवरी महिनामा पैचिंग ओलिम्पिक खेलकूदको संयोजन समितिअन्तर्गत स्वयंसेवक विभागले चिनियाँ अपाँग खेलकूद तालिम केन्द्रमा पारा ओलिम्पिक खेलकूदका स्वयं सेवकहरुका प्रशिक्षक बन्न चाहनेहरुलाई प्रशिक्षण र तालिम दिने विषयक कक्षा संचालन गरेको थियो। कक्षामा अपाँगहरुलाई कसरी सहयोग गर्ने ठोस कुराहरु सिकाउनुका साथै प्रशिक्षार्थीहरुलाई गुड्ने कुर्सी चलाउने जस्ता व्यवहार गर्ने अवसर पनि दिइएको थियो। ती वैकल्पिक प्रशिक्षकहरुले तालिम लिएपछि फेरि सम्बन्धित जाँच लिनुपर्छ। जाँचमा पास भएकाहरुले मात्र पारा ओलिम्पिक खेलकूदका स्वयं सेवकहरुलाई तालिम दिने प्रक्षिक्षक बन्ने हैसियत पाउनेछन्।

      तीसजना विशेषज्ञको मेहनती प्रशिक्षणमा करीब एक सयजना स्वयं सेवकहरुले पारा ओलिम्पिक खेलको उत्पतिदेखि लिएर पैचिंग पारा ओलिम्पिक खेलकूदका खेलहरु बारेको जानकारीलगायत पारा ओलिम्पिक खेलकूद सम्बन्धी विभिन्न ज्ञानहरु बारे सिक्ने गरेका छन्। अपाँगहरुलाई मद्दत दिने कुरा चाहिं तालिमको महत्वपूर्ण बिन्दु हो। उदाहरणका लागि गुड्ने कुर्सी चलाउन सिक्ने विषयमा एक घण्टाको समय खर्च गरिएको थियो। स्ययं सेवकहरुले यसमा एकदमै उत्साह देखाएका छन् र लगन्शिलताका साथ जान्ने मानिससित सिक्छन्।