सी.आर.आई. श्रोता क्लबहरुको राष्ट्रिय परिषद नेपालका कार्यवाहक अध्यक्ष टिकाराम घिमिरेले आज सी.आर.आई.लाई इ-मेल पठाएर एक चीनको नीतिलाई समर्थन गर्दै ऐक्यबद्धता जाहेर गर्नुभएको छ।

              आफ्नो इ-मेलमा उहाँले लेख्नुभएको छः हालै तिब्बतको ल्हासामा भएको घटना केही पश्चिमी राष्ट्रहरुको बुई चढेर दलाई लामाले आफ्नो स्वार्थ पूरा गर्नलाई गरेको प्रयास हो भन्ने मलाई लाग्छ। नेपाल र नेपाली श्रोता सधैं एक चीनको पक्षमा रहेको कुरा छर्लङ्ग छ। यस्ता कुरालाई चीनले कहिल्यै पनि छूट दिने छैन भन्ने हामीलाई लाग्छ। सम्यमतापूर्वक यस्ता घटनालाई काबुमा राख्न चीन सक्षम हुने कुरामा म विश्वास्त छु।