हालै अन्तर्राष्ट्रिय समाजले चीनको तिब्बतको सदरमुकाम ल्हासामा भएको कुटपिट, लुटपाट र आगजनी जस्ता हिंसात्मक अपराधीलाई प्रहार गरेको कुराप्रति समझदारी तथा समर्थन दिने कुरा व्यक्त गर्दै आएको छ।

         नेपालको विदेश मन्त्रालयले तिब्बत चीनको अविभाज्य भाग हो र शान्ति, स्थिरता तथा विकासलाई साकार तुल्याउनका लागि चीन सरकारले गरेको प्रयासको सराहना गरेको कुरा औंल्याएको छ।

         बंगलादेशी विदेश मन्त्रालयका प्रवक्ताले तिब्बती मामिला चीनको आन्तरिक मामिला हो र बंगलादेशले चीनको अडानको दृढताका साथ समर्थन गरी ओलम्पिक खेलकूद तथा राजनैतिक मामिलालाई जोड्ने गतिविधिको विरोध गरेको कुरा स्पष्ट पार्नुभयो।

          उत्तर कोरियाको विदेश मन्त्रालयका प्रवक्ताले ल्हासामा भएको गम्भीर हिंसात्मक काण्ड तिब्बती पृथक शक्तिको योजनामा संगठित रुपमा गरिएको हो र तिब्बती पृथक शक्तिले तिब्बतलाई स्वतन्त्र पार्ने कुराको कडा निन्दा गरेको कुरा बताउनुभयो। साथै उहाँले तिब्बतको सामाजिक स्थिरता तथा तिब्बती जनताको आधारभूत हितको संरक्षण गर्न चीनले चालेको कदमको समर्थन गरेको कुरा पनि प्रकट गर्नुभयो।

         किर्गिजस्तानका संसदीय प्रमुखले ल्हासामा भएको हिंसात्मक काण्डमा सर्वसाधारण हताहत भएको साथै प्रशस्त सम्पतिलाई क्षति पुर्‍याएकोले किर्गिजस्तानलाई चिन्तित लागेको कुरा बताउनुभयो। साथै उहाँले तिब्बतको सामाजिक स्थिरताको संरक्षण गर्ने क्षमता चीन सरकार तथा चिनियाँहरुसँग भएको विश्वास पनि व्यक्त गर्नुभयो।

          यसका अतिरिक्त, मंगोलिया, जर्जिया, सिरिया, सर्विया, अफ्रीकी मुलुक तथा शाङ्गहाइ सहयोग संगठनले पनि तिब्बती पृथक शक्तिको निन्दा गर्नुका साथै चीन सरकारको समर्थन गर्ने कुरा व्यक्त गरेका छन।