अन्तर्राष्ट्रिय ओलम्पिक खेलकूद समितिका अध्यक्ष ज्याक रोगेले अस्ति ग्रीसको ओलम्पियामा फ्रान्सेली समाचारपत्र "ल एकेपे"सँगको अन्तर्वार्तामा बितेका केही वर्षमा चीनले विभिन्न क्षेत्रमा हासिल गरेको प्रगति ठूलो भएको र 2008 ओलम्पिक खेलकूदको आयोजना गर्ने अधिकार पाएपछि प्रदूषणको नियन्त्रण तथा निवारण क्षेत्रमा चीनले धेरै उपलब्धि हासिल गरेको कुरा बताउनुभयो।

          उहाँले अन्तर्राष्ट्रिय ओलम्पिक खेलकूद राजनैतिक अथवा सैनिक संगठन होइन र त्यसको जिम्मा सबै खेलाडीहरुका लागि एउटा राम्रो ओलम्पिक खेलकूदको आयोजना गर्नु हो भन्ने विचार व्यक्त गर्नुभयो। साथै उहाँले ओलम्पिक खेलकूदमा सहभागी सबै खेलाडीहरुले "ओलम्पिक बडा-पत्र"मा तोकिएको कुराको पालना गर्नुपर्ने कुरा पनि बताउनुभयो।