सन् 2008 मा चीन अर्को एउटा महान अभियानमा जुटेको छ । त्यो अभियान वेइजीङ ओलम्पीक 2008को सफलतामा जोडिएको छ । कुनै राम्रो कुराको विरोध गर्न पचासौ नराम्रा कुराहरुको प्रचार गर्नु पर्छ । चीनको विकास र प्रगतिको आरिस गर्नेहरु चीनको मानव अधिकार र वेइजीङको वातावरणका कुराहरु जोडतोडले उराली रहेका छन् । चीनलाई कमजोर देखाउन तीब्बतमा हालै भएका हुलदंगा पनि ओलम्पीक अभियानका लागि अवरोध देखा पर्न खोजेको छ । एक चीनको नीति र तिब्बत चीनको स्वशासित भूमी हो भनेर जान्दा जान्दै पनि जानेर नजान्नेहरु, बुभेर बुझ पचाउनेहरु तीललाई पहाड बनाउन खोज्दैछन् । यी र यस्तै कुप्रचारहरुलाई निस्तेज पार्दै भडकाउ र विरोधहरुलाई पन्छाउँदै चीनको वर्तमान नेतृत्व सन् 2008 को महान अभियानमा सफल हुनेछ भन्ने कुरामा हामी दृढ विश्वास राख्दछैं । जनता मुलुकका मालिक हुन । जनताको भाग्य र भविश्य निर्माणमा मुलुकको सरकार गम्भिर र विश्वासिलो हुनु पर्छ । त्यहाका नेतागणले प्रभावकारी र नेतृत्वदायी भूमिका अदा गर्नु पर्छ । यी कुराहरुमा चीन विश्वमा नै नमूना देखिएको छ । चीनको अनुसरणले अरु मुलुकलाई पनि प्रभाव पार्न सक्छ । एक चीनको नीतिमा विश्वास गर्दै जल डमरुका दुई किनारा को सम्बन्ध सुधारमा नयाँ नेतृत्वले सफलता पाउनेछ । मेरो विश्वास छ ।