चिनियाँ परराष्ट्र मन्त्रालयका प्रवक्ता छिंग काँगले तिब्बतको ल्हासा घटनाबाट चिनियाँ जनताले केही पश्चिमी संचार माध्यमको साँचो अनुहारलाई चिनिसकेको कुरा बताउनुभएको छ।

      आज पैचिंगमा आयोजित नियमित पत्रकार सम्मेलनमा चीनमा तिब्बतको घटनासम्बन्धी असत्य समाचार दिएका विदेशी संचार माध्यमलाई आलोचना गर्ने एउटा विशेष लोक वेभ-साइट रहेको छ र चीन सो वेभ-साइटको पक्षमा छ कि छैन भन्ने पत्रकारको प्रश्नको उत्तर दिंदै उहाँले उक्त कुरा बताउनुभएको हो।

      तिब्बतको ल्हासा घटनाले एउटा ऐना झैं अन्तर्राष्ट्रिय क्षेत्रका केही मानिसहरुको साँचो अनुहारलाई छर्लंग पारिदिएको कुरा प्रवक्ता छिंगले बताउनुभयो।